«Аман, бавай гьан бити
ХIавщиял къума ратIув,
Бизар хьуннин балай тIий
Буччиннин аьтIий бикIан!?» -
ТIий бивкIун бур байчара,
На кунма, вибувцIусса,
Балай тIурчан, аьтIурчан,
РахIат хьунссара тIисса.
РатIув гьан бити учин
Бава-буттагу бакъар.
Гьан ччинийн манарда чин
Ттул заллу-залгу акъар.
Гьанагьисса дуниял –
ХIакьину вий, гьунттий ттуй,
Лагавайсса лагабаргъ –
Гьархьхьуну вий, кIюрххил ттуй.