Вверх

Бархъаллал Къачул аьпалун
Уссия ттул ца дус
Бархъаратусса,
ЧIявучин бусравсса,
ЦIа Къачу дусса,
Буттахъал ххуйшиврул
Лишан кунасса,
Чумартшиврул чаннал
ДакI видурцIусса.

Балайчи, къавтIала
Пагьму паргалсса,
Чиллу-чухъа лархни,
Чинар кунасса,
Къиссулий къавтIийни,
Бущи къищусса,
Щяв лаллай, къалаллай,
Лехлан икIайсса.

БакIрай – бухар кьяпа –
Хьхьилул кьачIасса,
Ччаннай – бурчул усру –
Къакъунт куннасса.
ХъачIунттайх экьинай –
Башлихъ кIяласса,
Кьиблалул кьурукьрал
Хъару куннасса.

Барзунттив дав-давлул
ЧантI учин буллай,
ВичIилун чIу бавнал
ДакI ясир дуллай,
ДикIайссия мудан
Дуснал ччергъилу
Бургъил чаннал бувцIсса
ТIювал ларзулу.

Ттул дуснал зумаллил
Калима-махъгу,
БикIайссия букай
Балай кунмасса,
ПасихIшиврул парлил
Ттюнгъашивугу –
ЧIаракIуннил хIахIлил
Ках-шах кунмасса.

Хьуссара цимилгу
На дуснал тIювай,
Хъамал хъин бутлайсса
Тяхъашивурттай.
Муни дакI дикIайва
Лерххун лагавай,
ТIювал барачатрал
ЧитIул хъаттирдай.

Агь, уссия ттул дус
Миллат ххирасса,
Лакрал миллатрал цIа
Бюхттул дуллайсса,
Магьирлугърал гьанна
Аьрщарайх бугьлай,
Аьрасатнал улклуйх
Занан икIайсса.

Хъуни каруннаву
Ччергъилу къавтIий
Балайлул чIуниву
ТIутIив хъяхъа тIий,
Бувтссар цалва оьрму
Дуснал узданну,
Цалла цIанин гьайкал
Сагънира дурну.

Лавгунни ва дусгу
Дунияллия,
Дустал кьурчIи кьуру
ХIачIлачIи бувну,
Щалиххан къавхьуна
Магьирлугърая,
Дустуран дуниял
Ссуссукьу дурну.


Автор: Чанкура Курбанмагомедов

Мудрость дня

От земли до звезд

21.01.2023 • Мудрые мысли

От земли до звезд не существует простого пути Сенека ... Читать далее

Мы ♥ Ислам

Мы в Telegram

Самые читаемые