Вверх

Ажарттул э-оь-оь-лий,

Маймун бувккуна кьат1ув.

- Ци бур, жул к1юрхнил илчий, вич1а ц1усса бусан жухь?

- Шанайнма бурав ттигу, бананнал уххай бувну,

Насу вила миналийн, дайдирхьуссарча ттул шин! Бананну рюкьлай бияв,

Щала шинал мутталий. К1юрххила оьвт1ий буна 

Шанияту бизу т1ий.

К1у бувсса чурх бананнал, Вища къашайва гьаз бан.

- Э-оь, э-оь учаву.

Му вил щала гьунар бур, Вихьхьун суал булунна:

Яла ци дара ина?

На давурттайн ч1ал къахьун, Бизан байссар вил тухум, Лявхъуссар т1ий вияту, Бик1айхха циняв агьлу.

Амма ц1ана жагьилтал Къашай ттуща чант1 чин бан: Х1азирай хьхьу гьан дуллай, Шанун к1юрх ишла дуллай.

- Дакъахьувкун давуртту, Миннал ци дуллант1иссар?

- Маймун, кьабити хъярчру, Бюкъавхъусса махсартту. Къуртал хьуннихха вил ч1ун, Бюхъайссар гьан вац1лувун!

- Ссавур, ссавур, Ажарий! Ссятру дур ттул амрулий.

Дур вийн аманат данмур, Ттущара дан къархьумур.

- Мукьра-мукьра ччан дуна, Вища дан къабювхъумур!

Ца къеппух, к1ира шяп1ух,

На дант1исса ххай бурав?

Ттул гьунар э-оь чавур, Шанайми чант1 чин бавур - Бизаву, къабизаву,

Къурув зий щирик1аву, Багьирдаву зузаву

Ттуйн багьайсса зад бакъар.

Баснялул мурад вари:

Шанух ч1ун мадахларди.

Я Ажари, я Маймун Къабувкссар жухлува зун.


Автор: Валерий Амиров

Мудрость дня

От земли до звезд

21.01.2023 • Мудрые мысли

От земли до звезд не существует простого пути Сенека ... Читать далее

Мы ♥ Ислам

Мы в Telegram

Самые читаемые