Вверх

Агь ттул буттал кlануй, Лакку билаят,

Жул цинянналагу аьзизсса нинуй!

Ци неъмат бунугу чил билаятрай, 

Гьич ина кьабитан жуща къашара.

 

Ци шагьрурду, багъру кьатlув бунугу,

Вил щархъурду, мащив хъама къаритай,

Ци арду, майданну лагма бунугу,

Вил муруллив, ххяллу кьаритан къашай.

 

Зунттурдив, ратl-ккутlру, щамарал хъачlру,

Дарардавх нанисса жиндралхьу нехру,

Бюхттул барзунттайсса кlяла марххалтту,

Дунъяллул неъматрах жу къабулару.

 

Эшкьилул тlутlучlан аьшукьнияргу,

Гьар инт дайдихьулий вичlан лечару,

Ччаврил щаращучlан шаэрнияргу,

Вил кьянатшивручlан кlура баяру.

 

Хьичlва-хьичl сихl лавсъсса гьава нацlуссар,

Вил гьава шаравну жун чlалан бикlай,

Берлиннай, Парижлий жува бунугу,

Дакlмур мудан вичlан кlункlу тlун дикlай. 

Мудрость дня

Все победы...

07.05.2019 • Мудрые мысли

"Все победы в жизни начинаются с победы над собой!" Конфуций ... Читать далее

Мы ♥ Ислам